¹ וַיִּקְחוּ בְנֵי אַהֲרֹן נָדָב וַאֲבִיהוּא אִישׁ מַחְתָּתוֹ וַיִּתְּנוּ בָהֵן אֵשׁ וַיָּשִׂימוּ עָלֶיהָ קְטֹרֶת | וַיַּקְרִבוּ לִפְנֵי יְהוָה אֵשׁ זָרָה אֲשֶׁר לֹא צִוָּה אֹתָם:

Vayiqchu bnei Aharon Nadav vaAvihu ish machtato vayitnu vahen esh vayasimu aleiha ketoret | Vayakrivu lifnei Adonai esh zarah asher lo tzivah otam:

² וַתֵּצֵא אֵשׁ מִלִּפְנֵי יְהוָה וַתֹּאכַל אוֹתָם | וַיָּמֻתוּ לִפְנֵי יְהוָה:

Vateze esh milifnei Adonai vatokhal otam | Vayamutu lifnei Adonai:

³ וַיֹּאמֶר מֹשֶׁה אֶל אַהֲרֹן הוּא אֲשֶׁר דִּבֶּר יְהוָה לֵאמֹר בִּקְרֹבַי אֶקָּדֵשׁ וְעַל פְּנֵי כָל הָעָם אֶכָּבֵד | וַיִּדֹּם אַהֲרֹן:

Vayomer Moshe el Aharon hu asher diber Adonai lemor Bikrovai ekadesh veal penei chol haam ekaved | Vayidom Aharon:

⁴ וַיִּקְרָא מֹשֶׁה אֶל מִישָׁאֵל וְאֶל אֶלְצָפָן בְּנֵי עֻזִּיאֵל דֹּד אַהֲרֹן | וַיֹּאמֶר אֲלֵהֶם קִרְבוּ שְׂאוּ אֶת אֲחֵיכֶם מֵאֵת פְּנֵי הַקֹּדֶשׁ אֶל מִחוּץ לַמַּחֲנֶה:

Vayikra Moshe el Mishael veel Eltzafan bnei Uzziel dod Aharon | Vayomer alehem kirvu seu et acheichem meet penei hakodesh el michutz lamachaneh:

⁵ וַיִּקְרְבוּ וַיִּשָּׂאֻם בְּכֻתֳּנֹתָם אֶל מִחוּץ לַמַּחֲנֶה | כַּאֲשֶׁר דִּבֶּר מֹשֶׁה:

Vayikrevu vayisaum bechutonotam el michutz lamachaneh | Kaasher diber Moshe:

⁶ וַיֹּאמֶר מֹשֶׁה אֶל אַהֲרֹן וּלְאֶלְעָזָר וּלְאִיתָמָר בָּנָיו רָאשֵׁיכֶם אַל תִּפְרָעוּ וּבִגְדֵיכֶם לֹא תִפְרֹמוּ וְלֹא תָמֻתוּ וְעַל כָּל הָעֵדָה יִקְצֹף | וַאֲחֵיכֶם כָּל בֵּית יִשְׂרָאֵל יִבְכּוּ אֶת הַשְּׂרֵפָה אֲשֶׁר שָׂרַף יְהוָה:

Vayomer Moshe el Aharon uleElazar uleItamar banav rasheichem al tifrau uvegdeichem lo tifromu ve lo tamutu veal chol haedah yiktzof | Vaacheichem chol beit Yisrael yivku et hasrefah asher saraf Adonai:

⁷ וּמִפֶּתַח אֹהֶל מוֹעֵד לֹא תֵצְאוּ פֶּן תָּמֻתוּ כִּי שֶׁמֶן מִשְׁחַת יְהוָה עֲלֵיכֶם | וַיַּעֲשׂוּ כִּדְבַר מֹשֶׁה:

Umiptach ohel moed lo tetzeu pen tamutu ki shemen mishchat Adonai aleichem | Vayaasu kidvar Moshe:

⁸ וַיְדַבֵּר יְהוָה אֶל אַהֲרֹן לֵאמֹר:

Vayedaber Adonai el Aharon lemor:

⁹ יַיִן וְשֵׁכָר אַל תֵּשְׁתְּ אַתָּה וּבָנֶיךָ אִתָּךְ בְּבֹאֲכֶם אֶל אֹהֶל מוֹעֵד וְלֹא תָמֻתוּ | חֻקַּת עוֹלָם לְדֹרֹתֵיכֶם:

Yayin veshechar al tesht atah uvanekha itakh bevoakhem el ohel moed ve lo tamutu | Chukat olam ledoroteichem:

¹⁰ וּלֲהַבְדִּיל בֵּין הַקֹּדֶשׁ וּבֵין הַחֹל | וּבֵין הַטָּמֵא וּבֵין הַטָּהוֹר:

Ulehavdil bein hakodesh uvein hachol | Uvein hatame uvein hatahor:

¹¹ וּלְהוֹרֹת אֶת בְּנֵי יִשְׂרָאֵל | אֵת כָּל הַחֻקִּים אֲשֶׁר דִּבֶּר יְהוָה אֲלֵיהֶם בְּיַד מֹשֶׁה:

Ulehorot et bnei Yisrael | Et kol hachukim asher diber Adonai aleihem beyad Moshe:

¹² וַיְדַבֵּר מֹשֶׁה אֶל אַהֲרֹן וְאֶל אֶלְעָזָר וְאֶל אִיתָמָר בָּנָיו הַנּוֹתָרִים קְחוּ אֶת הַמִּנְחָה הַנּוֹתֶרֶת מֵאִשֵּׁי יְהוָה וְאִכְלוּהָ מַצּוֹת אֵצֶל הַמִּזְבֵּחַ | כִּי קֹדֶשׁ קָדָשִׁים הִוא:

Vayedaber Moshe el Aharon veel Elazar veel Itamar banav hanotarim kchu et haminchah hanoteret meei Adonai veichluha matzot etzel hamizbeach | Ki kodesh kadashim hi:

¹³ וַאֲכַלְתֶּם אֹתָהּ בְּמָקוֹם קָדֹשׁ כִּי חָקְךָ וְחָק בָּנֶיךָ הִוא מֵאִשֵּׁי יְהוָה | כִּי כֵן צֻוֵּיתִי:

Vaachaltem otah bemakom kadosh ki chukekha ve chuk banekha hi meei Adonai | Ki ken tzuviti:

¹⁴ וְאֵת חֲזֵה הַתְּנוּפָה וְאֵת שׁוֹק הַתְּרוּמָה תֹּאכְלוּ בְּמָקוֹם טָהוֹר אַתָּה וּבָנֶיךָ וּבְנֹתֶיךָ אִתָּךְ | כִּי חָקְךָ וְחָק בָּנֶיךָ נִתְּנוּ מִזִּבְחֵי שַׁלְמֵי בְּנֵי יִשְׂרָאֵל:

Veet chazeh hatenufah veet shok haterumah toichlu bemakom tahor atah uvanekha uvenoteikha itakh | Ki chukekha ve chuk banekha nitnu mizivei shalmei bnei Yisrael:

¹⁵ שׁוֹק הַתְּרוּמָה וַחֲזֵה הַתְּנוּפָה עַל אִשֵּׁי הַחֲלָבִים יָבִיאוּ לְהָנִיף תְּנוּפָה לִפְנֵי יְהוָה | וְהָיָה לְךָ וּלְבָנֶיךָ אִתְּךָ לְחָק עוֹלָם כַּאֲשֶׁר צִוָּה יְהוָה:

Shok haterumah vachazeh hatenufah al ishei hachalavim yaviu lehanif tenufah lifnei Adonai | Vehayah lekha ulevanekha itakh lechak olam kaasher tzivah Adonai:

¹⁶ וְאֵת שְׂעִיר הַחַטָּאת דָּרֹשׁ דָּרַשׁ מֹשֶׁה וְהִנֵּה שֹׂרָף | וַיִּקְצֹף עַל אֶלְעָזָר וְעַל אִיתָמָר בְּנֵי אַהֲרֹן הַנּוֹתָרִם לֵאמֹר:

Veet seir hachatat darosh darash Moshe vehineh soraf | Vayiktzof al Elazar veal Itamar bnei Aharon hanotarim lemor:

¹⁷ מַדּוּעַ לֹא אֲכַלְתֶּם אֶת הַחַטָּאת בִּמְקוֹם הַקֹּדֶשׁ כִּי קֹדֶשׁ קָדָשִׁים הִוא | וְאֹתָהּ נָתַן לָכֶם לָשֵׂאת אֶת עֲוֹן הָעֵדָה לְכַפֵּר עֲלֵיהֶם לִפְנֵי יְהוָה:

Madua lo achaltem et hachatat bimkom hakodesh ki kodesh kadashim hi | Veotah natan lachem laseet et avon haedah lekhaper aleihem lifnei Adonai:

¹⁸ הֵן לֹא הוּבָא אֶת דָּמָהּ אֶל הַקֹּדֶשׁ פְּנִימָה | אָכוֹל תֹּאכְלוּ אֹתָהּ בַּקֹּדֶשׁ כַּאֲשֶׁר צִוֵּיתִי:

Hen lo huvah et damah el hakodesh pnimah | Achol toichlu otah bakodesh kaasher tziviti:

¹⁹ וַיְדַבֵּר אַהֲרֹן אֶל מֹשֶׁה הֵן הַיּוֹם הִקְרִיבוּ אֶת חַטָּאתָם וְאֶת עֹלָתָם לִפְנֵי יְהוָה וַתִּקְרֶאנָה אֹתִי כָּאֵלֶּה | וְאָכַלְתִּי חַטָּאת הַיּוֹם הַיִּיטַב בְּעֵינֵי יְהוָה:

Vayedaber Aharon el Moshe hen hayom hikrivu et chatatam veet olatam lifnei Adonai vatikrena oti kaelleh | Veachalti chatat hayom hayitav beinei Adonai:

²⁰ וַיִּשְׁמַע מֹשֶׁה וַיִּיטַב בְּעֵינָיו:

Vayishma Moshe vayitav beinav:

Página de comentários em construção