¹ וַיִּשָּׂא יַעֲקֹב עֵינָיו וַיַּרְא וְהִנֵּה עֵשָׂו בָּא וְעִמּוֹ אַרְבַּע מֵאוֹת אִישׁ | וַיַּחַץ אֶת הַיְלָדִים עַל לֵאָה וְעַל רָחֵל וְעַל שְׁתֵּי הַשְּׁפָחוֹת:

vayisa yaakov einav vayar vehine esav ba veimmo arba meot ish | vayachatz et hayeladim al leah veal rachel veal shtei hashfachot:

² וַיָּשֶׂם אֶת הַשְּׁפָחוֹת וְאֶת יַלְדֵיהֶן רִאשֹׁנָה | וְאֶת לֵאָה וִילָדֶיהָ אַחֲרֹנִים וְאֶת רָחֵל וְאֶת יוֹסֵף אַחֲרֹנִים:

vayasem et hashfachot veet yaldeihen rishonah | veet leah viyaldeha acharonim veet rachel veet yosef acharonim:

³ וְהוּא עָבַר לִפְנֵיהֶם | וַיִּשְׁתַּחוּ אַרְצָה שֶׁבַע פְּעָמִים עַד גִּשְׁתּוֹ עַד אָחִיו:

vehu avar lifneihem | vayishtachu artzah sheva peamim ad gishto ad achiv:

⁴ וַיָּרָץ עֵשָׂו לִקְרָאתוֹ וַיְחַבְּקֵהוּ וַיִּפֹּל עַל צַוָּארָו וַיִּשָּׁקֵהוּ | וַיִּבְכּוּ:

vayaratz esav likrato vayachabekehu vayipol al tzavarav vayishakehu | vayivku:

⁵ וַיִּשָּׂא אֶת עֵינָיו וַיַּרְא אֶת הַנָּשִׁים וְאֶת הַיְלָדִים וַיֹּאמֶר מִי אֵלֶּה לָּךְ | וַיֹּאמַר הַיְלָדִים אֲשֶׁר חָנַן אֱלֹהִים אֶת עַבְדֶּךָ:

vayisa et einav vayar et hanashim veet hayeladim vayomer mi elle lecha | vayomer hayeladim asher chanan elohim et avdecha:

⁶ וַתִּגַּשְׁןָ הַשְּׁפָחוֹת הֵנָּה וְיַלְדֵיהֶן וַתִּשְׁתַּחֲוֶיןָ:

vatigashna hashfachot hena veyaldeihen vatishtachavena:

⁷ וַתִּגַּשׁ גַּם לֵאָה וִילָדֶיהָ וַיִּשְׁתַּחֲווּ | וְאַחַר נִגַּשׁ יוֹסֵף וְרָחֵל וַיִּשְׁתַּחֲווּ:

vatigash gam leah viyaldeha vayishtachavu | veachar nigash yosef verachel vayishtachavu:

⁸ וַיֹּאמֶר מִי לְךָ כָּל הַמַּחֲנֶה הַזֶּה אֲשֶׁר פָּגָשְׁתִּי | וַיֹּאמֶר לִמְצֹא חֵן בְּעֵינֵי אֲדֹנִי:

vayomer mi lecha kol hamachane hazeh asher pagashti | vayomer limtzo chen beinei adoni:

⁹ וַיֹּאמֶר עֵשָׂו יֶשׁ לִי רָב | אָחִי יְהִי לְךָ אֲשֶׁר לָךְ:

vayomer esav yesh li rav | achi yehi lecha asher lach:

¹⁰ וַיֹּאמֶר יַעֲקֹב אַל נָא אִם נָא מָצָאתִי חֵן בְּעֵינֶיךָ וְלָקַחְתָּ מִנְחָתִי מִיָּדִי | כִּי עַל כֵּן רָאִיתִי פָנֶיךָ כִּרְאֹת פְּנֵי אֱלֹהִים וַתִּרְצֵנִי:

vayomer yaakov al na im na matzati chen beinecha velakachta minchati miyadi | ki al ken raiti paneicha kirot penei elohim vatirtzeni:

¹¹ קַח נָא אֶת בִּרְכָתִי אֲשֶׁר הֻבָאת לָךְ כִּי חַנַּנִי אֱלֹהִים וְכִי יֶשׁ לִי כֹל | וַיִּפְצַר בּוֹ וַיִּקָּח:

kach na et birchati asher hubat lach ki chanani elohim vechi yesh li kol | vayiftzar bo vayikach:

¹² וַיֹּאמֶר נִסְעָה וְנֵלֵכָה | וְאֵלְכָה לְנֶגְדֶּךָ:

vayomer niseah venelchah | veelchah lenegdecha:

¹³ וַיֹּאמֶר אֵלָיו אֲדֹנִי יֹדֵעַ כִּי הַיְלָדִים רַכִּים וְהַצֹּאן וְהַבָּקָר עָלוֹת עָלָי | וּדְפָקוּם יוֹם אֶחָד וָמֵתוּ כָּל הַצֹּאן:

vayomer elav adoni yodea ki hayeladim rakim vehatzon vehabakar alot alai | udefakum yom echad vametu kol hatzon:

¹⁴ יַעֲבָר נָא אֲדֹנִי לִפְנֵי עַבְדּוֹ | וַאֲנִי אֶתְנָהֲלָה לְאִטִּי לְרֶגֶל הַמְּלָאכָה אֲשֶׁר לְפָנַי וּלְרֶגֶל הַיְלָדִים עַד אֲשֶׁר אָבֹא אֶל אֲדֹנִי שֵׂעִירָה:

yaavor na adoni lifnei avdo | vaani etnahalah leiti leregel hamelachah asher lefanai uleregel hayeladim ad asher avo el adoni seirah:

¹⁵ וַיֹּאמֶר עֵשָׂו אַצִּיגָה נָּא עִמְּךָ מִן הָעָם אֲשֶׁר אִתִּי | וַיֹּאמֶר לָמָּה זֶּה אֶמְצָא חֵן בְּעֵינֵי אֲדֹנִי:

vayomer esav atzigah na imcha min haam asher itti | vayomer lamah zeh emtza chen beinei adoni:

¹⁶ וַיָּשָׁב בַּיּוֹם הַהוּא עֵשָׂו לְדַרְכּוֹ שֵׂעִירָה:

vayashav bayom hahu esav ledarko seirah:

¹⁷ וְיַעֲקֹב נָסַע סֻכֹּתָה וַיִּבֶן לוֹ בָּיִת | וּלְמִקְנֵהוּ עָשָׂה סֻכֹּת עַל כֵּן קָרָא שֵׁם הַמָּקוֹם סֻכּוֹת:

veyaakov nasa sukotah vayiven lo bayit | ulemiknehu asah sukot al ken kara shem hamakom sukkot:

¹⁸ וַיָּבֹא יַעֲקֹב שָׁלֵם עִיר שְׁכֶם אֲשֶׁר בְּאֶרֶץ כְּנַעַן בְּבֹאוֹ מִפַּדַּן אֲרָם | וַיִּחַן אֶת פְּנֵי הָעִיר:

vayavo yaakov shaleim ir shechem asher beeretz kenaan bevo mi paddon aram | vayichan et penei hair:

¹⁹ וַיִּקֶן אֶת חֶלְקַת הַשָּׂדֶה אֲשֶׁר נָטָה שָׁם אָהֳלוֹ מִיַּד בְּנֵי חֲמוֹר אֲבִי שְׁכֶם | בְּמֵאָה קְשִׂיטָה:

vayiken et chelek hasade asher natah sham aholo miyad benei chamor avi shechem | bemeah kesitah:

²⁰ וַיַּצֶּב שָׁם מִזְבֵּחַ | וַיִּקְרָא לוֹ אֵל אֱלֹהֵי יִשְׂרָאֵל:

vayatzev sham mizbeach | vayikra lo el elohei yisrael:

Página de comentários em construção