¹ וְלֹא יָכֹל יוֹסֵף לְהִתְאַפֵּק לְכֹל הַנִּצָּבִים עָלָיו וַיִּקְרָא הוֹצִיאוּ כָל אִישׁ מֵעָלָי | וְלֹא עָמַד אִישׁ אִתּוֹ בְּהִתְוַדַּע יוֹסֵף אֶל אֶחָיו:

V'lo yakhol Yosef l'hitapek l'khol hanitzavim alav vayikra hotzi'u khol ish me'alai | V'lo amad ish ito b'hitvada Yosef el ekhav:

² וַיִּתֵּן אֶת קֹלוֹ בִּבְכִי | וַיִּשְׁמְעוּ מִצְרַיִם וַיִּשְׁמַע בֵּית פַּרְעֹה:

Vayiten et kolo bivkhi | Vayishme'u Mitzrayim vayishma beit Par'o:

³ וַיֹּאמֶר יוֹסֵף אֶל אֶחָיו אֲנִי יוֹסֵף הַעוֹד אָבִי חָי | וְלֹא יָכְלוּ אֶחָיו לַעֲנוֹת אֹתוֹ כִּי נִבְהֲלוּ מִפָּנָיו:

Vayomer Yosef el ekhav ani Yosef ha'od avi khai | V'lo yakholu ekhav la'anot oto ki nivhalu mifanav:

⁴ וַיֹּאמֶר יוֹסֵף אֶל אֶחָיו גְּשׁוּ נָא אֵלַי וַיִּגָּשׁוּ | וַיֹּאמֶר אֲנִי יוֹסֵף אֲחִיכֶם אֲשֶׁר מְכַרְתֶּם אֹתִי מִצְרָיְמָה:

Vayomer Yosef el ekhav g'shu na elai vayigashu | Vayomer ani Yosef akhikhem asher mekhartem oti Mitzrayimah:

⁵ וְעַתָּה אַל תֵּעָצְבוּ וְאַל יִחַר בְּעֵינֵיכֶם כִּי מְכַרְתֶּם אֹתִי הֵנָּה | כִּי לְמִחְיָה שְׁלָחַנִי אֱלֹהִים לִפְנֵיכֶם:

V'atah al te'atzevu v'al yikhar b'eineikhem ki mekhartem oti hennah | Ki l'mikhya shlakhani Elohim lifneikhem:

⁶ כִּי זֶה שְׁנָתַיִם הָרָעָב בְּקֶרֶב הָאָרֶץ | וְעוֹד חָמֵשׁ שָׁנִים אֲשֶׁר אֵין חָרִישׁ וְקָצִּיר:

Ki zeh shnatayim hara'av b'kerev ha'aretz | V'od khamesh shanim asher ein kharish v'katzir:

⁷ וַיִּשְׁלָחֵנִי אֱלֹהִים לִפְנֵיכֶם לָשׂוּם לָכֶם שְׁאֵרִית בָּאָרֶץ | וּלְהַחֲיוֹת לָכֶם לִפְלֵיטָה גְּדֹלָה:

Vayishlakheni Elohim lifneikhem lasum lakhem she'erit ba'aretz | Ul'hakhiyot lakhem lifleita g'dolah:

⁸ וְעַתָּה לֹא אַתֶּם שְׁלַחְתֶּם אֹתִי הֵנָּה כִּי הָאֱלֹהִים | וַיְשִׂימֵנִי לְאָב לְפַרְעֹה וּלְאָדוֹן לְכָל בֵּיתוֹ וּמֹשֵׁל בְּכָל אֶרֶץ מִצְרָיִם:

V'atah lo atem shlakhtem oti hennah ki ha'Elohim | Vayesimeni l'av l'Par'o ul'adon l'khol beito umosheil b'khol eretz Mitzrayim:

⁹ מַהֲרוּ וַעֲלוּ אֶל אָבִי וַאֲמַרְתֶּם אֵלָיו כֹּה אָמַר בִּנְךָ יוֹסֵף שָׂמַנִי אֱלֹהִים לְאָדוֹן לְכָל מִצְרָיִם | רְדָה אֵלַי אַל תַּעֲמֹד:

Maharu va'alu el avi va'amartem elav koh amar bin'kha Yosef samani Elohim l'adon l'khol Mitzrayim | Redah elai al ta'amod:

¹⁰ וְיָשַׁבְתָּ בְאֶרֶץ גֹּשֶׁן וְהָיִיתָ קָרוֹב אֵלַי אַתָּה וּבָנֶיךָ וּבְנֵי בָנֶיךָ | וְצֹאנְךָ וּבְקָרְךָ וְכָל אֲשֶׁר לָךְ:

V'yashavta b'eretz Goshen v'haiyita karov elai atah u'vaneikha u'bnei vaneikha | V'tzonekha u'v'karkha v'khol asher lakh:

¹¹ וְכִלְכַּלְתִּי אֹתְךָ שָׁם כִּי עוֹד חָמֵשׁ שָׁנִים רָעָב | פֶּן תִּוָּרֵשׁ אַתָּה וּבֵיתְךָ וְכָל אֲשֶׁר לָךְ:

V'kil'kalti ot'kha sham ki od khamesh shanim ra'av | Pen tivvaresh atah u'veitekha v'khol asher lakh:

¹² וְהִנֵּה עֵינֵיכֶם רֹאוֹת וְעֵינֵי אָחִי בִנְיָמִין | כִּי פִי הַמְדַבֵּר אֲלֵיכֶם:

V'hineh eineikhem ro'ot v'einei akhi Binyamin | Ki pi hamedaber aleikhem:

¹³ וְהִגַּדְתֶּם לְאָבִי אֶת כָּל כְּבוֹדִי בְּמִצְרַיִם וְאֵת כָּל אֲשֶׁר רְאִיתֶם | וּמִהַרְתֶּם וְהוֹרַדְתֶּם אֶת אָבִי הֵנָּה:

V'higadtem l'avi et khol kvodi b'Mitzrayim v'et khol asher re'item | Umihartem v'horadtem et avi hennah:

¹⁴ וַיִּפֹּל עַל צַוְּארֵי בִנְיָמִן אָחִיו וַיֵּבְךְּ | וּבִנְיָמִן בָּכָה עַל צַוָּארָיו:

Vayipol al tzav'arei Binyamin akhiv vayevk | U'Binyamin bakha al tzavarav:

¹⁵ וַיְנַשֵּׁק לְכָל אֶחָיו וַיֵּבְךְּ עֲלֵיהֶם | וְאַחֲרֵי כֵן דִּבְּרוּ אֶחָיו אִתּוֹ:

Vayenashek l'khol ekhav vayevk aleihem | V'akharei khen dibru ekhav ito:

¹⁶ וְהַקֹּל נִשְׁמַע בֵּית פַּרְעֹה לֵאמֹר בָּאוּ אֲחֵי יוֹסֵף | וַיִּיטַב בְּעֵינֵי פַרְעֹה וּבְעֵינֵי עֲבָדָיו:

V'hakol nishma beit Par'o lemor ba'u akhei Yosef | Vayitav b'einei Par'o u'b'einei avadav:

¹⁷ וַיֹּאמֶר פַּרְעֹה אֶל יוֹסֵף אֱמֹר אֶל אַחֶיךָ זֹאת עֲשׂוּ | טַעֲנוּ אֶת בְּעִירְכֶם וּלְכוּ בֹאוּ אַרְצָה כְּנָעַן:

Vayomer Par'o el Yosef emor el akhekha zot asu | Ta'anu et b'irkhem u'leku bo'u eretz K'na'an:

¹⁸ וּקְחוּ אֶת אֲבִיכֶם וְאֶת בָּתֵּיכֶם וּבֹאוּ אֵלָי | וְאֶתְּנָה לָכֶם אֶת טוּב אֶרֶץ מִצְרַיִם וְאִכְלוּ אֶת חֵלֶב הָאָרֶץ:

U'khu et avikhem v'et bateikhem u'bo'u elai | V'etnah lakhem et tuv eretz Mitzrayim v'iklu et khelev ha'aretz:

¹⁹ וְאַתָּה צֻוֵּיתָה זֹאת עֲשׂוּ | קְחוּ לָכֶם מֵאֶרֶץ מִצְרַיִם עֲגָלוֹת לְטַפְּכֶם וְלִנְשֵׁיכֶם וּנְשָׂאתֶם אֶת אֲבִיכֶם וּבָאתֶם:

V'atah tzuveitah zot asu | K'khu lakhem me'eretz Mitzrayim agalot l'tapekhem v'lin'sheikhem u'nsa'tem et avikhem u'va'tem:

²⁰ וְעֵינְכֶם אַל תָּחֹס עַל כְּלֵיכֶם | כִּי טוּב כָּל אֶרֶץ מִצְרַיִם לָכֶם הוּא:

V'einekhem al takhos al keleikhem | Ki tuv khol eretz Mitzrayim lakhem hu:

²¹ וַיַּעֲשׂוּ כֵן בְּנֵי יִשְׂרָאֵל וַיִּתֵּן לָהֶם יוֹסֵף עֲגָלוֹת עַל פִּי פַרְעֹה | וַיִּתֵּן לָהֶם צֵדָה לַדָּרֶךְ:

Vaya'asu khen b'nei Yisrael vayiten lahem Yosef agalot al pi Par'o | Vayiten lahem tzeda ladarekh:

²² לְכֻלָּם נָתַן לָאִישׁ חֲלִפוֹת שְׂמָלֹת | וּלְבִנְיָמִן נָתַן שְׁלֹשׁ מֵאוֹת כֶּסֶף וְחָמֵשׁ חֲלִפֹת שְׂמָלֹת:

L'kulam natan la'ish khalifot semalot | Ul'Binyamin natan sh'losh me'ot kesef v'khamesh khalifot semalot:

²³ וּלְאָבִיו שָׁלַח כְּזֹאת עֲשָׂרָה חֲמֹרִים נֹשְׂאִים מִטּוּב מִצְרָיִם | וְעֶשֶׂר אֲתֹנֹת נֹשְׂאֹת בָּר וָלֶחֶם וּמָזוֹן לְאָבִיו לַדָּרֶךְ:

Ul'aviv shalakh kezot asarah khamorim nose'im mituv Mitzrayim | V'eser atonot nose'ot bar v'lekhem u'mazon l'aviv ladarekh:

²⁴ וַיְשַׁלַּח אֶת אֶחָיו וַיֵּלֵכוּ | וַיֹּאמֶר אֲלֵהֶם אַל תִּרְגְּזוּ בַּדָּרֶךְ:

Vayeshalakh et ekhav vayelekhu | Vayomer alehem al tirgezu badarekh:

²⁵ וַיַּעֲלוּ מִמִּצְרָיִם | וַיָּבֹאוּ אֶרֶץ כְּנַעַן אֶל יַעֲקֹב אֲבִיהֶם:

Vaya'alu miMitzrayim | Vayavo'u eretz K'na'an el Ya'akov avihem:

²⁶ וַיַּגִּדוּ לוֹ לֵאמֹר עוֹד יוֹסֵף חַי וְכִי הוּא מֹשֵׁל בְּכָל אֶרֶץ מִצְרָיִם | וַיָּפָג לִבּוֹ כִּי לֹא הֶאֱמִין לָהֶם:

Vayagidu lo lemor od Yosef khai v'khi hu mosheil b'khol eretz Mitzrayim | Vayafag libo ki lo he'emin lahem:

²⁷ וַיְדַבְּרוּ אֵלָיו אֵת כָּל דִּבְרֵי יוֹסֵף אֲשֶׁר דִּבֶּר אֲלֵהֶם וַיַּרְא אֶת הָעֲגָלוֹת אֲשֶׁר שָׁלַח יוֹסֵף לָשֵׂאת אֹתוֹ | וַתְּחִי רוּחַ יַעֲקֹב אֲבִיהֶם:

Vayedabru elav et khol divrei Yosef asher diber alehem vayar et ha'agalot asher shalakh Yosef laseit oto | Vatekhi ruakh Ya'akov avihem:

²⁸ וַיֹּאמֶר יִשְׂרָאֵל רַב עוֹד יוֹסֵף בְּנִי חָי | אֵלְכָה וְאֶרְאֶנּוּ בְּטֶרֶם אָמוּת:

Vayomer Yisrael rav od Yosef b'ni khai | Elekhah v'er'enu beterem amut:

Página de comentários em construção